1. |
Athvarf
01:34
|
|||
|
Athvarf
Ég leita friðar bak við lokuð augun.
Ég leita vægðar og varnargarðs.
Og tíminn bíður og bíður
- þótt sé hann naumur.
Ég bý mér athvarf og svíf af stað.
|
||||
2. |
Vindurinn
04:06
|
|||
|
Vindurinn
Vindurinn strýkur létt
vanga minn og ég held hann sé
að flýta sér.
Dagurinn á enda,
leiðin liggur á nýjan stað
og ég fer með.
Leiðin liggur á nýjan stað,
- komdu með mér.
Leiðin liggur á nýjan stað,
eigum við að gá
hvað er þar að sjá?
Vindurinn strýkur létt
rakan vangann og þerrar tár,
mér heldur á.
Nóttin er nýkomin
ætli hún áætli að staldra við
eða koma með?
Leiðin liggur á nýjan stað, - komdu með mér.
Leiðin liggur á nýjan stað,
eigum við að gá
hvað er þar að sjá?
Leiðin liggur á nýjan stað...
|
||||
3. |
Ég sit hér í grasinu
04:12
|
|||
|
Ég sit hér í grasinu
Ég sit hér í grasinu,
sé toppinn á fjallinu,
finn fyrir logninu
- að ég tel.
Ég vingast við birtuna
og leggst á jörðina,
dagdreymi um nóttina
- hér um bil.
Þótt óljóst sé framhaldið,
ég sit hér með nóttinni
og dásemdar, dásemdar nútíðin
er mín, er mín, er mín...
Í fjarlægð er morgunninn,
mér veifar brosandi,
verðandi vinur minn
- vonandi.
Ég hugsa í einlægni
um ást og þakklæti,
gjafmildan alheiminn
- og líður vel.
Þótt óljóst sé framhaldið,
ég sit hér með nóttinni
og dásemdar, dásemdar nútíðin
er mín, er mín, er mín...
Ég sit hér með nóttinni,
hún tyllti sér mér við hlið
og dásemdar, dásemdar nútíðin
er mín, er mín, er mín...
|
||||
4. |
Samtal við sólu
03:49
|
|||
|
Samtal við sólu
Sit ég hér hjá þér og hef það náðugt,
læt það bara eftir mér.
Hlýleg er þín tilvera sem áður,
þú ljærð mér eyra, hlustar á
þungavikta-vandkvæðin mín.
Ósköp ljúft mér finnst að geta fundið faðminn þinn
og skýin fara frá
ef þörf er á.
Ef kulda ber í garðinn minn,
varma veitir hlýleg sól;
ég veit af þér jafnt dag og nótt.
|
||||
5. |
Rigning
04:36
|
|||
|
Rigning
Glugginn minn, hann grætur og grætur
og tárin hans renna
er taktfast þau lenda.
Niðamyrkur bankar og kemur inn
þess nærvera er róleg
og þónokkuð góðleg,
þótt dimm hún sé.
Þú átt var hjá mér,
ég á var hjá þér.
Og það rignir
fyrir utan.
Þótt dropar dvelji hvarmi á
er það aðeins utan á
því kinnin kúrir barmi hjá.
Með myrkrinu kom værðin sem hvíslar:
„Það er allt í lagi,
ég vernda ykkur bæði“
Við hlustum á...
Hlýr þinn faðmur er,
þangað leita ég.
Og það rignir
fyrir utan.
Þótt dropar dvelji hvarmi á
er það aðeins utan á
því kinnin kúrir barmi hjá.
Þótt dropar dvelji hvarmi á
er það aðeins utan á
því kinnin kúrir barmi hjá
meðan rignir...
|
||||
6. |
||||
|
Meðan höndin mín í hendi þinni hvílir
Ég leitast við
að finna það
sem veitir mér hamingju í lífinu
og einset mér
að loka ei
á mögulega hamingju í lífinu
Meðan höndin mín í hendi þinni hvílir
- verður lífið einfalt -
Meðan höndin mín í hendi þinni hvílir
og brosið þitt
lýsir upp myrkrið svart
líkt og sólin á morgnana
og augun þín
bjóða mér góðan dag
líkt og sólin á morgnana
Meðan höndin mín í hendi þinni hvílir
- verður lífið einfalt -
Meðan höndin mín í hendi þinni hvílir
|
||||
7. |
Eftirmiðdagur
04:37
|
|||
|
Eftirmiðdagur
Varlega, svífandi létt,
fallandi jafnt og þétt.
Líta inn snjókorn gegnum gluggann minn,
ég hljóðlátlega fel mig bak við glerið.
Alein ég finn himininn minn,
athvarf í fallegu tómi.
Ég augun mín fel
og innri friðinn um mig vef;
ef aðeins ég fengi að dvelja hérna lengi,
mjög lengi...
Mjúklega, dansandi berst,
snjókorn á jörðina sest.
Himinninn sendir nú fleiri
en í leyni, sofandi, mig dreymir...
|
||||
8. |
Lítil nótt
03:37
|
|||
|
Lítil nótt
Lítil nótt lítur við,
daðrar við sólsetrið.
Aðeins hann dökknar, himinninn,
kveðjur sínar yfir garðinn sendir.
Lítil nótt keppist nú við
að taka meira pláss mér við hlið.
Kannski ætti ég henni að segja
að hún á sinn stað mér hjá.
Lítil nótt heyrir lag,
sungið af mér í dag.
Einlægt þér þakka innlitið,
þú átt stað mér hjá.
|
||||
9. |
Léttfætt
03:43
|
|||
|
Undan vetri, öllu betri,
mætir þiðnuð jörð - halló!
Ilmur af grasi læðist um nasir
meðan fuglaskarinn tyllir sér
syngjandi sitthvort lagið í takt - halló!
Ferska loftið hlýlegt orðið,
bankar uppá - halló!
Nú er vorið komið á sporið
og ég býst við að nú bestni líf,
fiðringur gerir vart við sig - halló!
Ómar dirrindí, dirrindí!
Hvílík sýning!
Daglegt líf kveður nýjan brag.
Léttfætt - það er mér í hag.
Óhrædd - og klár í næsta slag - halló!
Tipla’ á tánum, táslukjánum,
hvílík orka - halló!
Kinnar rjóðar, opnir lófar,
snýst í hringi og virði fyrir mér
nýjan dag, ég tek hann inn - halló!
Ómar dirrindí, dirrindí!
Hvílík sýning!
Daglegt líf kveður nýjan brag.
Léttfætt - það er mér í hag.
Óhrædd - og klár í næsta slag - halló!
Kannski, segi ég og meina vel,
held ég kanni gáfuleg næstu skref.
Spennandi, mitt látlausa stef um vor - halló!
|
||||
10. |
Stormur
04:24
|
|||
|
Stormur
Ég ímynda mér að veðrið nú þig hræði
en hér er faðmur minn,
tilbúinn.
Sama hvenær dags,
þér mætir ávallt kærleikshaf
sem myndar um þig hring,
vefur þér inn,
býður þér hvíld.
Er stormur bankar dátt
dyr þínar á
við bjóðum honum faðmlag - saman.
Sitjandi ég bíð
og umhyggjuljóð ég syng
og þyngslin þín
eru einnig mín.
Er stormur bankar brátt
dyr þínar á við bjóðum honum inn
- alvelkominn
inn í opið faðmlagið.
Í hljóði fer með bæn
og loka augum varlega.
Vita þú mátt að hjá mér þú átt
eilífa sátt.
|
||||
11. |
Lifandi
04:19
|
|||
|
Lifandi
Ein gata, mjó gata,
ótroðin slóð.
Hún hlýleg, ég róleg
held að okkur muni koma saman vel.
Sé laufin, þau hlaupa samferða,
þó lítið eitt á undan mér
- loksins ég er lifandi.
Gríp með báðum höndum fast og held mér,
trúi varla eigin augum
því mér finnst ég svífa
ég held mig sé að dreyma
- er ég komin heim?
Jafnvægið, óvægið einu sinni enn.
Læt vera að hugsa
hvort ég sé að ganga í átt að réttum stað.
Held áfram, óhikað,
og mér líður nokkuð vel þó ég sé týnd
því loksins er ég lifandi.
Gríp með báðum höndum fast og held mér,
trúi varla eigin augum
því mér finnst ég svífa
ég held mig sé að dreyma
- er ég komin heim?
|
||||
Marína Ósk Reykjavík, Iceland
Marína Ósk is an Icelandic singer-songwriter.
She composes music under the influence of jazz, pop and
singer-songwriter. The compositions are vivid, fragile and melodic and mostly in her mother tongue, Icelandic.
Other projects include Tendra and Marína & Mikael
... more
If you like Marína Ósk, you may also like:
featured on Bandcamp Radio Jul 28, 2020
go to album
featured on Bandcamp Radio Jan 20, 2015
go to album
Knotty instrumental music from this Danish group boasting shades of jazz and post-rock.
go to album
featured on Bandcamp Radio Jan 9, 2024
go to album
Featherweight
by Rosie Frater-Taylor
UK singer-songwriter and guitarist Rosie Frater-Taylor unveils her latest offering of soul-informed pop music.
go to album
featured on Bandcamp Radio Dec 5, 2023
go to album
The Room
by Fabiano do Nascimento & Sam Gendel
featured on Bandcamp Radio Nov 21, 2023
go to album
